Која е твојата летна авантура?

Иос е еден од најатрактивните грчки острови за млади, познат по прекрасните песочни плажи, кристално чистото море и фантастичните sunset барови со поглед што остава без здив. Островот совршено ја спојува дневната релаксација на златни плажи како Мylopotas и Manganari со енергичен ноќен живот што трае до раните утрински часови.

Главниот град Хора е вистинска разгледница на Кикладите, со мали бели куќички, сини прозорци, тесни калдрмени улички и шармантни скали што водат до барови, ресторани и клубови. Навечер, Хора се претвора во живо срце на островот, каде атмосферата, музиката и забавата му даваат на Иос препознатлив младешки дух.

Кефалонија – Скриениот рај на Јонското Море

Кефалонија е најголемиот остров во Јонското Море, познат по своите драматични пејзажи, тиркизни води и автентичен грчки шарм. Островот е дом на некои од најубавите плажи во Грција, како што се Миртос и Антисамос, кои нудат спектакуларни погледи и кристално чисто море. Покрај природните убавини, Кефалонија е позната и по својата богата историја, живописните села како Асос и Фискардо, како и магичната Мелисани пештера. Овде ќе уживате во мирна атмосфера, вкусна традиционална кујна и топла гостопримливост…

Будва – Бисерот на црногорското приморје

Будва е еден од најпопуларните туристички центри на Јадранското Море, познат по своите прекрасни песочни плажи, историска стара чаршија и динамичен ноќен живот. Со повеќе од 17 плажи, вклучувајќи ја познатата Могрен и Јаз, Будва нуди совршена комбинација на природна убавина и урбан живот. Без разлика дали барате одмор, авантура или незаборавни забави, Будва е вистинското место за вас!

Калитеа е туристичко место кое се наоѓа на 70 км. југоисточно од Солун. Голема песочна плажа, кристално чисто море, природна убавина, бујна,медитеранска мирисна вегетација,каде што самата гостопримливост на домаќините го прават ова место примамливо за одмор. Ова место е познато и по големиот број на ноќни клубови кои се најпривлечни за младата популација.

Закинтос – Рајскиот остров на Јонското Море

Закинтос, познат и како Занте, е еден од најубавите грчки острови, сместен во Јонското Море. Овој остров нуди совршена комбинација на природна убавина, златни плажи и кристално чиста вода. Најпознатата плажа, Навагио (Shipwreck Beach), е симбол на островот и едно од најфотографираните места во Грција.

Освен спектакуларните плажи, Закинтос е дом на Caretta Caretta – загрозени морски желки што ги населуваат заливите на островот. Овде може да уживате во традиционална грчка кујна, возбудлив ноќен живот и неверојатни природни пејзажи. Било да барате авантура, релаксација или забава, Закинтос е дестинација што никогаш не се заборава!