Грција ги враќа визите за Македонските туристи од 15ти Јуни?

🧳 Грција ги враќа визите за македонските туристи – важи од 15 јуни!

Атина, 1 април 2025 – Во изненадувачки чекор пред летната сезона, грчките власти објавија дека повторно воведуваат визи за македонските државјани, почнувајќи од 15 јуни оваа година.

Според министерството за туризам на Грција, причината за оваа одлука е „преголема љубов од север“, бидејќи македонските туристи веќе се сметаат за „преемотивно приврзани“ за Грција.
„Не можеме да издржиме толкава љубов. Луѓе ни носат ајвар, пита, и пива во багажник – а после се жалат што кафето било 4 евра,“ изјави грчки официјален претставник со насмевка.

Како ќе изгледа новата виза?

• Апликациите ќе се поднесуваат во месните канцеларии на „Јоргос Рент-а-кар“.

• За аплицирање ќе биде потребна слика со позадина од плажа, доказ за љубов кон сувлаки, и потврда дека барем еднаш си запеал „Сиртаки је…“ по трета ракија.

Исклучоци од новиот режим:

• Сите кои имаат резервирано 7+ ноќевања во Пефкохори, Паралија или Сарти добиваат „fast-track“ виза со грчка мелодија како позадинска музика додека се чека.

• Туристите кои ќе донесат тавче гравче за нивниот домаќин автоматски добиваат и две фрапеа гратис.

Македонската јавност е збунета, а некои веќе почнаа да размислуваат за алтернативни дестинации како… Охрид. Паника завладеа и кај „онаа тетка што секогаш прашува дали ќе има гужва на граница“.

Од Атина велат: „Ние без вашиот ајвар не можеме, не се грижете нема да има визи!“

Оваа вест е апсолутна измислица и служи само по повод 1-ви април, денот на шегата. Не ја споделувајте со сериозен тон… или барем не без фрапе во рака. 😄

Имајте убав ден полн со насмвека. 😄