ЦЕНАТА НА АРАНЖМАНОТ ВКЛУЧУВА

• Автобуски превоз на горенаведената релација со високотуристички автобус
• 4 ноќевања во Љорет де Мар во избраното сместување и услуга
• Водичи според програмата и пратител на групата за време на целото патување
• Организација и водство на патувањетo
• Напомена: Сместувањето е во повеќекреветни соби.

ЦЕНАТА НА АРАНЖМАНОТ НЕ ВКЛУЧУВА

• Задолжително меѓународно патничко и здравствено осигурување 450 денари
• Доплата за 1/2 соба за хотел во Шпанија од 25 евра
• Задолжителна туристичка такса за регионот Каталонија (од 01.11.2012) –  во хотели со 1*, 2* и 3* – 0,5 € по ноќевање/по патник, а за сместување во хотели со 4* – 1 € по ноќевање/по патник – се плаќа на рецепција од хотелот
• Факултативни излети и влезници
• Трансфер со брод до Венеција
• Индивидуални трошоци на патникот.

1 Ден/Скопје – Србија – Хрватска – Словенија – Италија:

Поаѓање  во утринските часови од пред спортскиот центар Борис Трајковски-Скопје. Патување преку гр.премин Табановце, Србија, Хрватска, Словенија со попатни паузи за одмор и царински формалности. Ноќно возење.

 2 Ден/Италија – Кавалино – Венеција – Монако/Монте Карло – Франција:   

Во раните утрински часови пристигнување во туристичката зона Кавалино. Можност за факултативен излет (со брод) до Венеција. Разглед на Венеција: Дуждева Палата, плоштадот и базиликата San Marco, Венецијанските столбови, каналот Grande, мостот Rialto, Santa Maria della Salute, мостот на воздишките. Слободно време за индивидуални прошетки и разгледи. Враќање кон Punta Sabbioni и трансфер до Кавалино. Тргнување за Монако. Следува разглед на бајковитиот град: Палата Грималди, катедралата Св.Никола, Океанографскиот музеј, егзотичните градини, патеката  на Формула 1. Посета на магичниот град на коцката и обиколка на познатите Casina, со прошетка на преубавите паркови на Монте Карло. После обиколката на оваа мала монденска држава следува ноќно возење и продолжување на патувањето преку Франција и Шпанија…

3 – 6  Ден / Шпанија – ЉОРЕТ ДЕ МАР:

Пристигнување во Љорет де Мар најпознатото туристичко летувалиште на Коста Брава кое е одалечено само 65 километри од градот Барселона. Следува сместување во соби и слободно време за релаксирање, капење. Секоја вечер факулативно посета на некоја од најдобрите дискотеки. Ноќевање. Можност за факултативни излети на најинтересните места: FLAMENKO LA SIESTA, BARCELONA PANORAMICA, COSTA BRAVA, BARCELONA BY NIGHT, PORT AVENTURA, NOU CAMP, AQUARIUM, DALI… Покрај тоа секоја вечер приредуваме на ексклузивни тематски забави во најпознатите ноќни клубови во Барселона и Љорет де Мар.

 7 Ден / Љорет де Мар – Барселона – Шпанија – Франција:

Напуштање на сместувањето. Слободно време во Љорет де Мар или можност за факултативен излет “Барселона shopping & Магични фонтани”. Тргнување кон Азурната обала во касните вечерни часови. Ноќно возење преку Шпанија и Франција…

 8 Ден / Ница – Франција – Италија – Словенија – Хрватска:  

Утринско будење на Азурниот брег. Разглед на Ница: Promenade des Anglais, хотел Negresco, брдото Chatou, плоштадот Massena, операта, стариот дел на градот преполн со шармантни кафулиња. Слободно време за индивидуални прошетки, шопинг. Во вечерните часови тргнување за Македонија, преку Франција, Италија, Словенија, Хрватска и Србија со попатни паузи заради регулирање на гранични формалности.

9 Ден / Македонија – Скопје: 

Пристигнување во Скопје во доцните вечерни часови.

Начин на пријавување:

• Пополнување на бесплатна on-line пријава на web страната
• Со доаѓање во агенција
• Со пополнување на пријава кај Balkan Fun соработникот

Начин на плаќање:

• Аконтација од 2000 денари
• Патникот остатокот од аранжманот го доплаќа во целост во агенција или на жиро сметка, најкасно 20 дена пред патувањето
• Уплатите се вршат во денарска противвредност 1евро = 62 денари.

БАРСЕЛОНА ПАНОРАМИКА

Откако ќе се искачиме на брдото Монжуик, ќе ја имате Барселона на дланка и ќе добиете впечаток и ориентација за градот. Оттаму како на ѓердан се нижат скапоцени изданија за чија чистота и вековност са грижат градот и УНЕСКО. Ремек делата на Антони Гауди се неизбежни во обиколка на Барселона на најелегантната авенија Passeig de Gracia ќе га видите неговите куќи како од бајка, Casa Batllo и Casa Mila. Неговото најголемо ремек дело црквата Sagrada Familia.  Нема да ве остават рамнодушни ни плоштадите Каталуња и Еспања, Националната палата, арените за корида. А за крај прошетка по најшарената улица на светот. Ла Рамбла, улица која ќе посакате да нема крај…

КОСТА БРАВА

Коста е и Шпански збор за`брег`, а Брава значи “карпест” или ”див”. Што во превод би дошло дива (карпеста) обала. Посета на Tossa de Mar, град со типичен Шпански шмек, автентичен на Шпанската архитектура со прекрасната средновековна тврдина. Посета на ботаничката градина Pinya de Rosa со преко 100 видови на кактуси… излетот завршува со дегустиција на вино и сангрија во винарска визба.

ФЛАМЕНКО

Шпанска вечер со традиционалниот шпански танц Фламенко кој го изведуваат екипа на врвни танчерки и танчери. Шоуто е поделено во неколку дела, каде ќе уживате во феноменалниот глас на тенорот Сам, и спцијалната изведба на светскиот рекордер во нај брз фламенко танц Хосе Леон. Вкусот на сангријата (кој можете да го конзумирате во неограничени количини ќе го збогати уживањето во традиционалните танци и шпанската гитара…. и на крајот сме сигурни дека некој од вас ќе го поведе ритамот и ќе заигра.

МУЗЕЈ САЛВАДОР ДАЛИ

Посета на родниот град Салвадор Дали и неговиот музеј отворен во 1974 година. Дали Театар – музеј е изграден врз остатоците од поранешниот Figueres театар. Тој соджи најширока палета на дела кои ги опфаќа умертничката кариера на Салвдор Дали (1904-1989), од неговите најрани уметнички искуства и неговите надреалистички креации се до делата на последните години од неговиот живот. Музејот на Дали нуди уникатно искуство да бидете во можност да ги почуствувате делата и да уживате во работата и мислите на еден гениј.

CAMP NOU

Стадионот Камп ноу со капацитет од 99.354 седишта, го прави најголемиот стадион во Европа и дванаесеттиот по големина во светот. Доживејте ја магијата на најубавиот стадион на светот, каде ќе имате можност да го посетите музејскиот дел со сите трофеи освоени од FC BARCELONA, трибинте, сликајте се со најпознатите фудбалски ѕвезди, купете сувенир и испишете го своето име на дрес…

АКВАРИУМ

Во огромните аквариуми живеат 11.000 животни од 450 различни видови кои пливаат во 6 милиони литри вода, а движејќи се низ подводен тунел долг 80 метри ќе може да ги запознаете и истражите сите. Чуството да се биде толку близу до водениот свет што живее во водите на медитеранот е уникатно и незаборавно. Аквариумот на Барселона е најголемиот аквариум во Европа, посетен од над 14 милиони посетители до сега.

ДИСКО ВО ЉОРЕТ ДЕ МАР

Секоја вечер приредување на ексклузивните тематски забави во најпознатите ноќни клубови во Барселона и Љорет де Мар.